Amakomiti wePalamende
AmaKomiti wangaPhakathi
INdlu yesiBethamthetho seNarha inamakomiti wangaphakathi amanengi asebenza ngeendaba ezithinta ukusebenza kwePalamende. Amakomiti la kanengi afaka phakathi amaLunga wePalamende ekade abona. Amakomiti wemiThetho begodu namakomiti angaphasi kwawo asebenza ngemithetho yeziNdlu, nangesabelo seemali seziNdlu, asekele amaLunga, enze amalungiselelo wangaphakathi, banikele amandla namalungelo akhethekileko wamalunga. Amanye amaKomiti wangaphakathi maKomiti wamaHlelo ahlela umsebenzi weNdlu yesiBethamthetho seNarha, neKomiti yokuKhalima begodu neKomiti yaboSihlalo.
UmKhandlu weNarha oNgamele iimFunda unamaKomiti wawo wangaphakathi. AmaKomiti wemiThetho begodu namakomiti angaphasi kwawo asebenza ngemithetho yomKhandlu weNarha oNgamele iimFunda, nangesabelo seemali somKhandlu weNarha oNgamele iimFunda, namalungelo akhethekileko, namalungiselelo wangaphakathi, ubudlelwano nezinye iinarha nangemithetho enegunya yayo. IKomiti yamaHlelo ihlela umsebenzi womKhandlu weNarha oNgamele iimFunda begodu iKomiti yaboSihlalo yenza iimphakamiso malungana nokusebenza kwamaKomiti begodu namanye amaforamu womKhandlu weNarha oNgamele iimFunda
Amakomiti wesiKhatjhana
IPalamende namkha enye yeziNdlu ingakhetha iKomiti yesikhatjhana nakunomsebenzi okhethekileko ekufuze wenziwe. Umsebenzi nasele uqediwe, iKomiti leyo iyatjhabalaliswa.
Amakomiti weHlanganyela
INdlu yesiBethamthetho seNarha begodu nomKhandlu weNarha oNgamele iimFunda ngokuhlanganyela ukhetha amakomiti wehlanganyela amanengi, isibonelo, njengeKomiti eBuyekeza umThethosisekelo.
IKomiti yasaFuthi yeHlanganyela eqalene neendaba zobuhlakani begodu neKomiti yasaFuthi yeHlanganyela eqalene neendaba zokuVikela maKomiti ajanyiselelweko. Lokhu kutjho bona asungulwe mThethosisekelo, namkha mThetho wePalamende, ngokuya kwekambiso yomthetho wePalamende.
AmaKomiti adlala indima eqakatheke khulu ehlelweni lokwakha umbuso wentando yenengi begodu afaka nomphakathi eenkambisweni nemahlelweni wePalamende.
Lencwajana ifumaneka ngawo woke amalimi asemthethweni weSewula Afrika.
INDIMA NEMISEBENZI EYENZIWA MAKOMITI EPALAMENDE
Amakomiti wePalamende
Izindlu ezimbili zePalamende, iNdlu yesiBethamthetho seNarha begodu nomKhandlu weNarha oNgamele iimFunda, zenza imisebenzi yazo nakuhlala iPalamende epheleleko lapho amaLunga wendlu ahlangana khona abesiqhema sinye), kuhlalohlanganisela (lapho amaLunga wezindlu zombili ahlangana khona abesiqhema sinye, begodu nemaKomitini iinqhema ezincani zamaLunga.
Ukusebenza kumaKomiti kuvumela iPalamende bona:
Ikhulise inani lomsebenzi ongenziwa o
Iqinisekisa bona iindaba kukulumopikiswano zikhulunywa ngokudephileko o ngaphezu kwalokha nakuhleli iPalamende
Ikhulise izinga lokuzibandakanya kwamaLunga wePalamende o emikhulumiswaneni.
Ikghonakalise bona amaLunga wePalamende athuthukise amakghono begodu o nelwazi elingeneleleko emikhakheni ethileko eqalene nemisebenzi yamaKomiti athintekako
Inikela ithuba umphakathi bona ukwazi ukuveza amazizo wawo bunqopha o kumaLunga wePalamende, ekuyinto engakghonakaliko nakuhleli iPalamende epheleleko
Ithole ithuba lokulalela ubufakazi begodu ibuthelele ilwazi elithintene o nomsebenzi weKomiti ethileko.
Amakomiti, kuhlekuhle, abajameli ngokuya kwamavowudi weenhlangano ePalamende.
AmaKomiti avulelekile emphakathini, kodwana angaba yintumba nakukhona isizathu sokwenza lokho.
Amakomiti ahlukahlukeneko anomsebenzi munye namkha eminengi yalokhu okulandelako:
Agada begodu atjheje umsebenzi kunye nesabelo seemali seminyango o karhulumende ophezulu begodu afune bona iziphendulele kiwo.
Atjheja begodu akhibelele imiThethomlingwa, begodu angathoma o imiThethomlingwa
Atjheja amalunga wangeqadi begodu neemphakamiso zeembethamthetho o zeemfunda begodu neencwadi zeenlilo ezikhethekileko
Atjheja iimvumelwano ezenziwa nezinye iinarha o
Aqala iindawo ezithileko ezimalungana namaphilo womphakathi namkha iindaba o eziyitjisakalo yomphakathini
Atjheja iindaba zangaphakathi ezithinta ipalamende o
Amakomiti anamandla wokubiza omunye nomunye umuntu bona eze ngaphambili kwawo, azokunikela ubufakazi namkha aveze iimitlolo. Angafuna omunye nomunye umuntu namkha iziko lilethe umbiko obuyako kiwo. Amakomiti angamukela iincwadi zeenlilo, ukujameleka nofana iimphakamiso ezivela emphakathini. Enye nenye ikomiti idoswa phambili nguSihlalo.
AMAKOMITI AHLUKAHLUKENEKO WEPALAMENDE
AmaKomiti wemiSebenzi ethileko
INdlu yesiBethamthetho ikhetha hlangana namalunga wayo inani lamaKomiti womSebenzi othileko bona iqale umsebenzi weminyango ehlukahlukeneko karhulumende ophezulu.
Kutjheja imiThethomlingwa, ..
Ukutjheja umsebenzi womnyango eqalene nawo, begodu abuye enze ..
neemphakamiso malungana nokwenziwa mnyango, ekufaka phakathi isakhiwo sawo, ukusebenza kwawo begodu nemithethomgomo yawo.
Umsebenzi wamaKomiti awukakhandeleki kurhulumende kwaphela. Angaphenya enye nenye indaba eyitjisakalo yomphakathi engaphasi kwelawulo layo. KuneKomiti yomSebenzi othileko yomunye nomunye uNgqogqotjhe kunye nomnyango/neminyango karhulumende ephatheleneko.
AmaKomiti aKhethekileko
UmKhandlu weNarha oNgamele iimFunda ukhetha emalungeni wawo wasafuthi inani lamaKomiti aKhethekileko bona aqale umsebenzi owenziwa minyango karhulumende ehlukahlukeneko begodu nokusebenza ngemiThethomlingwa. Ngombana maLunga ama-54
kwaphela kumalunga ama-90 womKhandlu weNarha oNgamele iimFunda ekuziinthunywa zasafuthi nakuqathaniswa namalunga ama-400 wesiBethamthetho seNarha, amaKomiti aKhethekileko atjheja umsebenzi weminyango karhulumende, ophezulu, angaphezu komnyango owodwa.
AmaKomiti aqalene nesiKhwama seeMali zomPhakathi
UmThetho weKomiti eziJameleko eqalene nesiKhwama seeMali zomPhakathi weNdlu yesiBethamthetho seNarha isebenza ePalamende njengabakhimkhanyo ekusetjenzisweni sigungu kweemali zababhadeli bentela. Qobe mnyaka umHloli maZombe uthula umbiko malungana neenkhwama zemali kunye nokuphathwa kweemali minyango ehlukahlukeneko karhulumende begodu neenhlangano zomBuso.
IinKhulu zeminyango karhulumende kunye neenhlangano zombuso ziyabizwa qobe makomiti la bona zilethe umbiko obuyako begodu ziphendule ngokusetjenziswa kweemali.
Amakomiti angahlongoza bona iNdlu yesiBethamthetho seNarha ithathe amagadango afaneleko.
Amakomiti weemPhakamiso begodu neeNcwadi zeenlilo zamaLunga wesiBethamthetho
ImiThethomlingwa eTlanyiweko ingathunyelwa liLunga linye leNdlu yesiBethamthetho seNarha. ImiThethomlingwa le itjhejwa maKomiti wasaFuthi weNdlu yesiBethamthetho seNarha eqale iimphakamiso zemithetho yamaLunga neeNcwadi zeenLilo eziKhethekileko.
Nangabe amaKomiti ayavumelana neenkambisolawulo yomThethomlingwa otlanyiweko, umThethomlingwa uyalungiswa begodu usetjenzwe yiPalamende.
IKomiti eKhethekileko yomKhandlu weNarha oNgamele iimFunda eqalene namaLunga kunye nemPhakamiso zeemBethamthetho zeemFunda itjheja ukutlanywa kwemiThethomlingwa le kusukela kuLunga ngalinye lomKhandlu weNarha oNgamele iimFunda begodu neembethamthetho zesifunda.
INcwadi yeenlilo nayo ingathulwa ngaphambi kwePalamende begodu idluliselwe ekomitini efaneleko esebenza ngeendaba eziphakamisiweko encwadini yeenlilo.
